Basta, ch’e pparole basta,
ce simme scucciate overamente,
pigliativllo ‘stu munno c’avite ‘nguajato
tutt”a miseria pe vvuje disgraziate.
Nuje ca povere nun simme overamente,
‘o bbene vulimme purtà a chi nunn’o tene.
Arapite ‘e mmane chiuse all’orgoglio
arapite ‘o core chiuso all’egoismo,
e nuje senza ‘nvidià chi è malamente
purtamme ‘o bbene p”o munno ridenne,
ridenno ‘ncoppa a tutte cose
ridenno ‘nfaccia a tutte quante.
